बैतडी : बैतडीमा भिरबाट लडेर एक जनाको मृत्यु भएको छ। डिलाशैनी गाउँपालिका ७ का ५० वर्षीय नरेन्द्रबहादुर ऐरको भिरबाट लडेर मृत्यु भएको हो।
सोमबार राति ८ बजे स्थानीय बजार द्वाली जान्छु भनि घरबाट हिँडेका ऐर मनेकुडास्थित बाटोबाट लडेर २ सय मिटर तल खसेका ऐरको घटनास्थलमै मृत्यु भएको जिल्ला प्रहरी कार्यालय बैतडीका, प्रहरी निरीक्षक खेमविक्रम केसीले जानकारी दिए।
ऐरको शव मंगलबार बिहान फेला परेको हो। यस विषयमा थप अनुसन्धान भइरहेको प्रहरीले जनाएको छ।
प्रतिक्रिया दिनुहोस !
