बागलुङ : बागलुङमा लागुऔषध (गाँजा)सहित दुई युवा पक्राउ परेका छन्। जिल्ला प्रहरी कार्यालय बागलुङले ८ केजी २०८ ग्राम लागुऔषध गाँजाको धुलोसहित काठेखोला गाउँपालिका-५ काउलेका ३० वर्षीय प्रेम भन्ने गिरीप्रसाद श्रीस र २९ वर्षीय तिलक भन्ने तुलबहादुर श्रीसलाई पक्राउ गरेको छ।
श्रीसद्वयले घरबाट लागुऔषध (गाँजा)को कारोबार गरेको गोप्य सूचनाका आधारमा उनीहरूलाई बिहीबार राति पक्राउ गरिएको जिल्ला प्रहरी कार्यालय बागलुङका प्रहरी नायव उपरीक्षक (डीएसपी) मदन केसीले बताए।
दुवै जनाको घर खानतलासी गर्दा एकमुष्ट ८ केजी २०८ ग्राम लागूऔषध गाँजाको धुलो जस्तो देखिने धुलो पदार्थ बरामद गरिएको डीएसपी केसीले जानकारी दिए।
पक्राउ परेका दुवै जनालाई शुक्रबार बागलुङ जिल्ला अदालतबाट म्याद थप गरी थप अनुसन्धान गरिरहेको डीएसपी केसीले बताए।
प्रतिक्रिया दिनुहोस !
