डोल्पा : हिमाली जिल्ला डोल्पाको त्रिपुरासुन्दरी नगरपालिका-१ मार्ने त्रिपुरा माध्यमिक विद्यालय काटियाँचौरमा फर्निचर अभाव भएको छ। माध्यमिक विद्यालयमै विद्यार्थीलाई कक्षा कोठामा डेस्क बेन्च अभाव भएपछि नियमित पठनपाठनमा समस्या हुँदै आएको विद्यालयले जनाएको छ।
विद्यालयमा विद्यार्थीका लागि डेक्स बेन्च अपुग भएपछि आजदेखि सुरु भएको वार्षिक परीक्षा कुर्सीमा सञ्चालन गरिएको प्रधानाध्यापक रमानन्द उपाध्यायले बताए। लामो समयदेखि विद्यालयमा फर्निचरको अभाव भएपनि समस्या समाधानकालागि कतैबाट सहयोग नपाइएको उपाध्यायले बताए।
कक्षा १ देखि १० सम्म पढाइ हुने यस विद्यालयमा भाँचिएका डेक्स बेन्चहरू जोडजाम गरेर विद्यार्थी राखिएको छ। भाँचिएका डेक्स बेन्चमा बस्नुपर्दा हल्लिएर पढ्न लेख्न समस्या हुने गरेको विद्यार्थीहरू बताउँछन्।
नगरपालिकाको प्रशासकीय केन्द्रबाट १० मिनेटको दूरीमा रहेको विद्यालय भए पनि समस्या समाधानका भने स्थानीय सरकारको ध्यान जान सकेको छैन।
प्रतिक्रिया दिनुहोस !
