मदिरा खाएर अर्काको घरमा पसेका एकजनाको कुटपिटबाट मृत्यु, दम्पतीसहित पाँचजना पक्राउ
फागुन २८, २०८० सोमबार १४:५७:२३
धनगढी : मदिरा खाएर अर्काको घरमा पसेका एकजनाको कुटपिटपछि ज्यान गएको छ । धनगढी उपमहानगरपालिका-८ को धनगढी गाउँमा सोमबार राति ३५ वर्षीय महेश रानाको कुटपिटपछि ज्यान गएको हो ।
जिल्ला प्रहरी कार्यालयका प्रवक्ता प्रहरी नाउव उपरीक्षक कुलदीप चन्दले सोमबार राति स्थानीय मीनबहादुर चौधरीको घरमा प्रवेश गरेका बेला उनीमाथि कुटपिट भएको बताए ।
कुटपिटबाट गम्भीर घाइते भएका चौधरीको सेती प्रादेशिक अस्पतालमा उपचारका क्रममा ज्यान गएको डीएसपी चन्दले बताए । प्रहरीले रानाले मदिरा सेवन गरेर अर्काको घरमा पसेको खुल्न आएको जानकारी दिए।
रानाको हत्या भएको आशंकामा प्रहरीले सोधपुछका लागि चौधरी दम्पत्तीसहितका पाँचजनालाई पक्राउ गरेको छ । पक्राउ पर्नेमा मीनबहादुर चौधरी,उनकी पत्नी पुनम चौधरी, छोरीसहित ५ जना रहेको प्रहरीले जनाएको छ ।
मृतक राना र उनीमाथि कुटपिट गर्ने चौधरी दम्पत्ती छिमेकी समेत हुन् । राना चौधरी घरभित्र प्रवेश गरेका बेला उनीमाथि कुटपिट भएको थियो । अवस्था गम्भीर भएपछि रानालाई अस्पताल लगिएको थियो । घटनाबारे थप अनुसन्धान भइरहेको प्रहरीले जनाएको छ ।
प्रतिक्रिया दिनुहोस !
