इभी कार ल्याउन प्रोत्साहन गरौं, सरकारको ध्यानाकर्षण होस् : यादव
प्रस्तुत भएका विनियोजन विधेयकले समाजवाद ल्याउन सक्दैन
काठमाडौं : जनता समाजवादी पार्टीका सांसद प्रदीप यादवले प्रस्तुत भएको विनियोजन विधेयकमा बजेटका सिद्धान्त आफ्नै गतिमा अलमलिएको दाबी गरेका छन्। बुधबार प्रतिनिधिसभा बैठकमा विनियोजन विधेयक २०८१/०८२ का सिद्धान्त र प्राथमिकतामाथि छलफलमा भाग लिँदै उनले नीति र गति स्पष्ट नभएको बजेटले कसरी समाजवाद ल्याउँछ भन्दै प्रश्न गरेका छन्।
उनले भने,‘बजेटका सिद्धान्त आफ्नै गतिमा अलमलिएको छ। प्रस्तुत भएको विनियोजन विधेयकका सम्बोधन गर्नुपर्ने मुख्य खाँका प्रस्तुत भएको देखिएन।’
उनले नेपालको संविधान अनुसार समाजवादको उन्मुख बजेट तथा कार्यक्रम ल्याउनु आवश्यकता रहेको बताए। देशको विद्यमान चुनौती र आर्थिक संकट हटाउन नसक्ने उल्लेख गरे।
यादवले आलु र प्याजमा लगाइएको भ्याट हटाउनुपर्ने माग गरे।