लगातार छैठौं कारोबार दिनसम्म घटेर बन्द भयो सेयर बजार

लगातार छैठौं कारोबार दिनसम्म घटेर बन्द भयो सेयर बजार

काठमाडौं : साताको अन्तिम सेयर कारोबार दिन बिहीबार नेप्से परिसूचक सामान्य अंकले घटेर बन्द भएको छ। नेप्से २.७३ अंकले घटेर २००४.०५ विन्दुमा झरेको छ। सेन्सेटिभ  इण्डेक्स  ०.०९ अंकले घटेर ३५५.४२ विन्दुमा कायम भएको छ।

यो साताको छ वटै कारोबार दिन नेप्से परिसूचक उकालो लाग्न सकेन। पहिलो कारोबार दिन आइतबार १७.३० अंकले घटेको नेप्से सोमबार ६.२६, मंगलबार १.८५ अंक र बधुबार ३.४३ अंकले घट‍ेर बन्द भएको थियो।

नेप्से सामान्य अंकले घटेपनि कारोबार रकम भने बुधबारको तुलनामा बढेको  छ। यसदिन ३०२ कम्पनीको ६९ लाख ६३ हजार ३५९ कित्ता सेयर ३ अर्ब ३७ करोड ७२ लाख  ६७ हजार ३०७ रुपैयाँमा खरिदबिक्री भए।

बुधबार २ अर्ब ५३ करोड रुपैयाँ बराबरको सेयर कारोबार भएको थियो। यसदिन दुई कम्पनीको मूल्य सकारात्मक सर्किट लेभलमा कारोबार भयो। मानुषी लघु्वित्त वित्तीय र मनकामना स्मार्ट लघुवित्त वित्तीयको सेयर सकारात्मक सर्किट लेभलमा कारोबार भएको हो।

यसैगरी गुँरास लघुवित्त वित्तीय,तारागाउँ रिजेन्सी र वीन नेपाल लघुवित्त वित्तीयको सेयर ९ प्रतिशत बढीले बढ्यो। यसदिन पिपुल्स पावरका लगानीकर्ताले गुमाए। सो कम्पनीको सेयर ७.२४ प्रतिशतले घट्यो।

कारोबार रकमका आधारमा गोर्खाज फाइनान्स शीर्षस्थानमा रह्यो। सो कम्पनीको २३ करोड मूल्य बढीको सेयर कारोबार भयो। शिवम् सिमेन्टको १८ करोड २४ लाख मूल्य बढीको सेयर कारोबार हुँदा सर्वोत्तम सिमेन्टको १८ करोड,सूर्यज्योति लाइफ इन्स्योरेन्स र सोनापुरको ६/६करोड मूल्य बराबरको सेयर कारोबार भयो।

पाँच समूहको उपसूचक बढ्दा ८ वटाको सूचक नकारात्मक देखिएका छन्। आज सबैभन्दा बढी माइक्रो फाइनान्सको २.३८ प्रतिशतले बढ्यो। कारोबारमा आएका १०४ कम्पनीको मूल्य बढ्दा १३० वटाको मूल्य घट्यो।
 


प्रतिक्रिया दिनुहोस !

लोकप्रिय

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.