वीरगन्ज : वीरगन्ज महानगरपालिका-१७ अलौको बुढियामाई टोलमा मंगलबार बिहान आगलागी हुँदा सात घर जलेर नष्ट भएको छ।
मंगलबार बिहान करिब ३ बजेतिर महेन्द्र सहनीको फुसको घरमा विद्युतको तार सर्ट भइ लागेको आगो छिमेकका अन्य ६ वटा घरमा पनि सल्किएर सहनीकोसहित सात वटा घर पूर्ण रुपमा जलेर नष्ट भएको हो।
आगलागीबाट महेन्द्र सहनी, मैना सहनी, वीरेन्द्र सहनी, तुफान सहनी, फुलदेव सहनी, अभय सहनी र अदालत साहको घर पूर्णरूपमा जलेर नष्ट भएको हो। सात घरसहित घरमा रहेको अन्नपात, लत्ताकपडा, सुनचाँदी र चौपाया गरि अन्दाजी ५३ लाख ९० हजार रूपैयाँ बराबरको क्षति भएको पर्साका प्रहरी प्रवक्ता प्रहरी नायब उपरीक्षक थापाले जानकारी दिए।
प्रहरी नायब उपरीक्षक थापाका अनुसार उक्त आगो वीरगन्ज महानगरपालिका र पोखरिया नगरपालिकाको दमकल, प्रहरी र स्थानीयको सहयोगमा बिहान ५ बजेतिर पूर्ण रुपमा नियन्त्रणमा आएको थियो।
प्रतिक्रिया दिनुहोस !
