बेनी :पर्वतको जलजला गाउँपालिका – २ मल्लाजको दहमा एक महिनाअघि भएको दम्पत्ती हत्या घटनाका आरोपीतलाई प्रहरीले सार्वजनिक गरेको छ । जलजला गाउँपालिका म्याग्दीको सदरमुकाम बेनी बजारसँगै सिमाना जोडिएको पर्वतको स्थानीय तह हो । गत चैत १९ गते राति ६९ वर्षीय सूर्यबहादुर जिसी र उनको श्रीमती ६७ वर्षीय गमला जिसीको घर भित्रै विभत्स हत्या भएको थियो ।
हत्यामा संलग्न जलजला –२ नेपानेका कृष्ण बिक र कुश्मा नगरपालिका –२ खुर्कोट घर भई जलजला –२ बौर बस्ने दिपक दर्जीलाई पक्राउ गरेको प्रहरी नायव उपरीक्षक खुमलाल भुसालले जानकारी दिए ।
‘आरोपीले हत्या स्विकार गरेका छन्,’उनले भने, ‘पक्राउ परेकालाई अदालत बाट म्याद थपेर थप अनुसन्धानलाई निरन्तरता दिएका छौं।’हत्यामा संगलग्नहरूले लुटपाट गरेको सुनलाई गाल्ने र खरिद गर्ने थप दुईजनालाई पनि नियन्त्रणमा लिएको छ ।
जलजला गाउँपालिका –१ घर भइ हाल कास्की जिल्ला पोखरा महानगरपालिका –२५ हेम्जामा डेरा गरेर बस्ने ६० वर्षीय कर्णबहादुर विकलाई लुटपाट भएको सुन गालेको आरोपमा प्रहरीले नियन्त्रणमा लिएको हो ।
यसैगरी बागलुङ नगरपालिका –७ घर भइ वागलुङ– २ लोकतान्त्रिक चोकमा रहेको पूर्णिमा सुनचाँदी पसलका सञ्चालक परशुराम विकलाई सुन खरिद गरेको आरोपमा नियन्त्रणमा लिएको छ ।
घटनाको जिल्ला प्रहरी कार्यालय पर्वत,म्याग्दी र प्रहरीको केन्द्रीय अनुसन्धान ब्युरो (सीआईबी) ले अनुसन्धान गरेको थियो । केन्द्रीय अनुसन्धान ब्यूरो,प्रदेश प्रहरी कार्यालय,पर्वत प्रहरी कार्यालय र म्याग्दी प्रहरी कार्यालयको संयुक्त फोर्सले मिसन ‘लालि गुराँस’ नामको अनुसन्धान अप्रेसन चलाएको थियो ।
अनुसन्धानको शुक्ष्म अनुसन्धान गर्नु यो समूहको दायित्व थियो । हत्यामा संग्लन्न बारदात स्थलबाट फरार भएका कारण अनुसन्धान टोलीलाई अनुसन्धान गर्न जटिल थियो । यद्यपि टोलीले हत्यामा सग्लन्न दुईजना आरोपीलाई पक्राउ गरेको हो ।
उनीहरुले जिसी दम्पत्तीको साथमा रहेको आधा तोला सुन लुटपाट गरी बिक्री गरेको प्रारम्भिक अनुसन्धानमा देखिएको पर्वत प्रहरी प्रमुख खुमलाल भुषालले जानकारी दिएका छन् । जिसी दम्पत्तीको हत्या लुटपाट गर्ने उद्देश्यले भएको अनुसन्धानका क्रममा खुलेको छ ।
प्रतिक्रिया दिनुहोस !
