पहिरोमा आएको लेदोसहितको ढुङ्गाले लागेर चालकको मृत्यु
![पहिरोमा आएको लेदोसहितको ढुङ्गाले लागेर चालकको मृत्यु](https://annapurnapost.prixacdn.net/media/albums/dead_20190729113216_Tq85nLAtrl_3Hd86JIU1I.jpg)
चितवन : भरतपुर महानगरपालिका–२९ स्थित १७ किलोमा लेदोसहितको ढुङ्गा लागेर बस चालकको मृत्यु भएको छ । मृत्यु हुनेमा नवलपरासीको सुनवल नगरपालिका–४ का ३६ वर्षीय मेघनाथ विक रहेका छन् ।
जिल्ला प्रहरी कार्यालय चितवनका प्रहरी नायब उपरीक्षक भेषराज रिजालका अनुसार बुटवलबाट काठमाडौं जाँदै गरेको लु२ख ६५६६ नम्बरको बसका चालक विकलाई लेदोसहितको ढुङ्गाले लागेको थियो ।
आज बिहान दुर्घटनामा गम्भीर घाइते भएका विकको उपचारका क्रममा चितवन मेडिकल कलेजमा मृत्यु भएको उनले जानकारी दिए। दुर्घटनापछि बसमा सवार यात्रु अलपत्र परेका समाचार राससमा छ।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)