महोत्तरी : महोत्तरीमा ६ केजीभन्दा बढीको चाँदीको गरगहना बरामद भएको छ। जिल्ला प्रहरी कार्यालय महोत्तरीका अनुसार एकडारा गाउँपालिका-४ हल्खोरीमा प्रहरीले चेकजाँच गर्दा ६ केजी ५४७ ग्राम चाँदीको गरगहना बरामद गरेको हो।
प्रहरीले चेकजाँचका क्रममा ज ९ प १७७२ नम्बरको मोटरसाइकललाई चेक गर्ने क्रममा चालक फरार भएको अवस्थामा सोही स्थानमा फालिएको कालो रंगको झोलाभित्र हेर्दा सो परिमाणको चाँदीको पायल लगायतका गरगहना बरामद गरिएको जिल्ला प्रहरी कार्यालय महोत्तरीले जनाएको छ।
६ लाख १४ हजार ५ सय २९ रकम बराबरको सो गरगहना र ५० हजारको मोटरसाइकल उपर आवश्यक अनुसन्धान भइरहेको महोत्तरीका प्रहरी प्रवक्ता डीएसपी सन्तुलाल प्रसाद जैसवारले जानकारी दिए।
प्रतिक्रिया दिनुहोस !
