‘स्टार्टअपसँग अन्नपूर्ण’ अभियानसँग जोडियो श्रीकृष्ण अर्गार्निक
भदौ १४, २०८१ शुक्रबार ११:४७:५०
काठमाडौं : युवा उद्यमीहरूले सुरू गरेको स्टार्टअप व्यावसायको प्रवर्द्धन गर्न अन्नपूर्ण मिडिया नेटवर्कले सुरू गरेको ‘स्टार्टअपसँग अन्नपूर्ण’ अभियानमा श्रीकृष्ण अर्गानिक कृषि तथा पशुपंक्षी फार्म जोडिएको छ । शुक्रबार नेटवर्कको तीनकुनेस्थित केन्द्रीय कार्यालयमा भएको एक समारोहमा उक्त सम्झौता भएको हो ।
सम्झौतापत्रमा अन्नपूर्ण मिडिया नेटवर्कका मार्केटिङ म्यानेजर भानु थोकर र श्रीकृष्ण अर्गानिक कृषि तथा पशुपंक्षी फार्मका प्रोपाइटर मोहन विक्रम थापाले हस्ताक्षर गरे । यो फार्मले अर्गानिक उत्पादनलाई जोड दिँदै पशुपालन गरिरहेको छ ।
'अभियानले मलाई तान्यो, 'श्रीकृष्ण अर्गानिक कृषि तथा पशुपंक्षी फार्मका प्रोपाइटर मोहन विक्रम थापाले भने, ‘हाम्रा उत्पादनहरूलाई बजारीकरणमा यसले ठूलो सघाउन पुर्याउनेछ ।’
यो अभियानमा नेटवर्कका सबै प्लेटफर्महरू सहभागी हुनेछन् । नेटवर्कले हाल नेपाली संस्करण अन्नपूर्ण पोस्ट दैनिक,अंग्रेजी द अन्नपूर्ण एक्सप्रेस डेली,रेडियो अन्नपूर्ण नेपाल ९४ मेगाहर्ज,अनलाइन न्यूज पोर्टल अन्नपूर्ण पोस्ट डट कम,एपीवान टेलिभिजनलगायतका मिडिया प्लेटफर्महरू सञ्चालन गर्दै आइरहेको छ ।
यो पनि पढ्नुहोस
प्रतिक्रिया दिनुहोस !
