काठमाडौं : प्रधानमन्त्री केपी शर्मा ओलीले आज राष्ट्रिय गौरवका आयोजनाहरूको ब्रिफिङ लिने भएका छन् । राष्ट्रिय गौरवका आयोजनाहरूको अवस्थाबारे जानकारी लिन प्रधानमन्त्री तथा मन्त्रिपरिषद् कार्यालयमा दिउँसो ३ बजे बैठक बोलाइएको प्रधानमन्त्रीको सचिवालयले जनाएको छ ।
सरकार,मन्त्रालय र आयोजनाले निर्धारित काम तोकिएको समयमा पूरा नगर्दा आयोजनाको लागत बढ्दै जाने भएको भन्दै प्रधानमन्त्री ओलीले चासो लिएका हुन्। हाल सञ्चालनमा रहेका राष्ट्रिय गौरवका आयोजनाको प्रगति र आयोजना सञ्चालनका क्रममा आएको चुनौतीको विषयमा आयोजना प्रमुख र सरोकारवालासँग प्रधानमन्त्रीले ब्रिफिङ लिने सचिवालयले जनाएको छ।
सडक, जलविद्युत, सुरुङमार्गहरु लगायतका ठूला योजनाहरू राष्ट्रिय गौरवका आयोजनामा राखिएको भएपनि पछिल्लो समय आयोजनाहरुको प्रगति सन्तोषजनक छैन ।
यसैबीच प्रधानमन्त्री ओली मंसिर १७ गते चीन भ्रमणमा जाँदैछन्। सोहि समयमा पनि नयाँ योजनाहरू प्रस्ताव गर्ने तयारी छ।
प्रतिक्रिया दिनुहोस !
