काठमाडौं : नेपाल प्रिमियर लिग (एनपीएल)मा काठमाडौं गुर्खाजले १० ओभरमा ७१ रन बनााएको छ। काठमाडौंले १० ओभरमा ४ विकेट गुमाउँदै ७१ रन बनाएको हो। गुर्खाजले पावरप्लेमा ३८ रन पूरा गरेको थियो।
टियु क्रिकेट मैदानमा सुदुरले दिएको १६८ रनको लक्ष्य पछ्याएको काठमाडौंले पावरप्लेमा २ विकेट गुमाउँदै ३८ रन बनाएको हो। पहिलो विकेटका रूपमा काठमाडौंले काइकल लेभिटलाई ५ रनमै गुमायो। दोस्रो विकेटका रुपमा अर्का ओपनर शंकर रानालाई सैफ जैबले ३ रनमै बोल्ड गरे।
तेस्रो विकेट भिम सार्की १० रनमा रन आउट भए। चौथो विकेट गेरहार्ड इरास्मस १० रनमा नरेन साउदको बलमा एलबीडब्लु आउट भए। सुदूरपश्चिमका लागि ब्रान्डन म्याकमुलेन, सैफ जैब र नरेन साउदले समान १/१ विकेट लिए।
यसैबीच काठमाडौंको पाँचौं विकेट पतन भएको छ। सुमित महर्जन १० बलमा १४ रन बनाएर आउट भएका छन्। उनले २ चौका प्रहार गरेका थिए।
प्रतिक्रिया दिनुहोस !
