बैतडी : बैतडीमा जीप दुर्घटना हुँदा ६ जना घाइते भएका छन् । जिल्लाको सिगास गाउँपालिका १ को गणानबाट इराना जाने क्रममा शनिवार बिहान ५ बजे सोही वडाको माँडौ भन्ने स्थानमा सुपप्र ०१ ००१ च ४०२८ नम्बर जीप दुर्घटना हुँदा ६ जना गम्भीर घाइते भएका हुन् ।
घाइते हुनेमा सिगास गाउँपालिका-१ इरानाका १४ वर्षीया जयन्ती धामी, सोही ठाउँका ४० वर्षीय तुलसी धामी, १६ वर्षीया निरा धामी, १९ वर्षीया पार्वती धामी, १८ वर्षीया कमला धामी र १४ वर्षीया धौली धामी रहेका जिल्ला प्रहरी बैतडीका प्रहरी प्रवक्ता प्रहरी निरीक्षक बलराम पाण्डेयले जानकारी दिए ।
घाइते सबैको अवस्था गम्भीर रहेको र उनीहरूलाई उद्धार गरी उपचारका लागि डडेल्धुरा अस्पताल पठाइएको बैतडीका प्रहरी प्रवक्ता पाण्डेयले बताए । चालकसहित जीपमा ८ सवार रहेका प्रहरीले जनाएका छन्।
जीप सडकबाट ७ सय मिटर तल खसेको थियो । घटनाको विषयमा थप अनुसान्धान भइरहेको प्रहरीले जनाएको छ ।
प्रतिक्रिया दिनुहोस !
