रूकुमपूर्व : रुकुमपूर्वमा भारी हिमपातका कारण मध्यपहाडी लोकमार्गको लुकुम–पातीहाल्ना सडकखण्ड अवरुद्ध भएको छ । बिहीबार रातिदेखि परेको हिमपातका कारण उक्त सडक खण्ड अवरुद्ध भएको हो ।
अहिले सडकमा बाक्लो हिउँ जमेको जसले गर्दा यातायातका साधन सञ्चालनमा समस्या उत्पन्न भएको जिल्ला ट्राफिक प्रहरी कार्यालय रुकुम पूर्वका प्रमुख राम औंतार चौधरीले जानकारी दिएका छन् ।
ट्राफिक प्रहरी प्रमुख चौधरीका अनुसार हिउँ परिरहेकाले सवारीसाधन रोकिएका हुन् । बर्सेनि यो सडकखण्डमा हिमपातका कारण अवरोध हुने गरेको छ ।
प्रतिक्रिया दिनुहोस !
