काठमाडौं : प्रधानमन्त्री कप पुरुष राष्ट्रिय प्रतियोगितामा नेपाल पुलिस क्लबले बागमती प्रदेशलाई २९८ रनको बलियो विजयी दिएको छ । भैरहवास्थित,एक्स्ट्रटेक ओभलमा टस जितेको पुलिसले निर्धारित ५० ओभरमा८ विकेट गुमाउँदै २९७ रन बनाएको हो ।
नेपाल पुलिस क्लबका लागि ओपनर ब्याटर कुशल भुर्तेलले सर्वाधिक ८ रन बनाए । उनले ९ बलमा ११ चौका प्रहार गरेका हुन् । अर्का ओपनर अमित श्रेष्ठले ४८ रन बनाए । आरिफ शेखले ३८ रन बनाउँदा कप्तान दिपेन्द्र सिंह ऐरीले ६० रनको पारी खेले । उनले ४६ बलमा ४ चौका र ३ छक्का प्रहार गर्दै मिडल अर्डरमा आक्रमक पारी खेलेका हुन् ।
गुल्सन झाले १६ रन र दिलिप नाथले १० रन बनाउँदा अन्य ब्याटरले भने दोहोरो अंकमा रन जोड्न सकेनन्। बागमतीका लागि बलिङमा प्रतिश जिसीले सर्वाधिक ३ विकेट लिए । उनले १० ओभर ४६ रन खर्चिए । इशान पाण्डे,साकार गजुरेल,विपिन आचार्य र रिजन ढकालले समान १–१ विकेट लिए ।
पुलिस हालसम्म अपराजित रहेको छ । आजको खेल जितेमा पुलिसले फाइनल खेल्ने पक्का हुनेछ । बागमती भने फाइनल होडबाट बाहिरिइ सकेको छ । बागमतीको यो छैटौं खेल हो । बागमतीले पछिल्लो ५ खेलमा २ जित र ३ हार बेहोरेको छ ।
प्रतिक्रिया दिनुहोस !
