धरान : इटहरीको मेन चोकमा सञ्चालनमा रहेको व्यवसायिक भवन सेन्ट्रल प्लाजामा लागेको आगो नियन्त्रणमा गम्भीर समस्या भएको छ । सेन्ट्रल प्लाजाको पाचौं तलाबाट सुरु भएको आगो अन्य स्थानमा फैलिएको छ ।
आगलागी नियन्त्रणका लागि चारवटा दमकल र सयौं प्रहरी परिचालन गरिएको सुनसरीका प्रहरी प्रमुख एसपी सुमनकुमार तिम्सिनाले बताए । सेन्टर प्लाजामा होटल बरण्डा र लक्ष्मी सनराइज बैंक लगायत दर्जनौं व्यवसाय संचालनमा रहेको छ ।
प्लाजामा व्यवसाय गर्ने व्यवसायी र दर्जनौं कामदार छन् । उनीहरूलाई उद्दार गर्न प्रहरी र स्थानिय बासिन्दाले प्रयास गरिरहेका छन् । आगलागीबाट धेरै सर्वसाधारण हताहत भएका छन्।
आगोको मुस्लोका कारण प्लाजामा भएका व्यवसायी र कामदारहरू बाहिर निस्कन समस्या भएको छ । उनीहरूलाई सकुशल उद्दार गर्न पहल भइरहेको एसपी तिम्सिनाले बताए ।
प्लाजा इटहरीका राजेश श्रेष्ठको व्यसायकक भवन हो । आगलागी विद्युत सट भएर वा ग्यास लिक भएर भएको अनुमान गरिएको छ ।
प्रतिक्रिया दिनुहोस !
