ओसाका (जापान) : जापानको ओसाकामा आयोजना भएको २१ औं वाटा अन्तर्राष्ट्रिय तेक्वान्दो च्याम्पियनसिपमा नेपालले दुई स्वर्ण पदक जितेको छ । आइतबार सम्पन्न प्रतियोगितामा नेपालका योगेशकुमार योगी र इन्जुमा राईले स्वर्ण पदक जितेका हुन् ।
च्याम्पियनसिपमा नेपालले ३ रजत र ६ कांस्य पदक पनि जित्यो । च्याम्पियनसिपमा योगेशले पुरुष १८ वर्षमाथिको पुम्से र इन्जुमाले महिला ५७ केजीमुनि तौलसमूहमा स्वर्ण पदक जितेका हुन् ।
यसैगरी सिनियर पुरुष ६८ केजीमुनि तौलसमूहमा विमल रोकाय, १२ देखि १४ वर्ष उमेरसमूहको महिला पुम्सेमा खुसी गौतम र सिनियर महिला पुम्सेमा मलिका घुलुले रजत पदक जिते । यस्तै महिला ४२ केजीमुनि डोल्मा लामा, पुरुष ७४ केजीमुनि चन्द्रप्रसाद गौतम, ५४ केजीमुनि अंकित गौतम र जुनियर ग्योरोगीको पुरुष ३३ केजीमुनि वीरेन्द्र हुमागाईंले कांस्य पदक जिते । यस्तै ग्योरोगीको महिला २९
नेपाली टोली प्रह्लाद थापाको नेतृत्वमा ओसाका आएको हो । टिम व्यवस्थापकमा गंगाप्रसाद गौतम र प्रदीप थापा रहेका छन् । अन्तर्राष्ट्रिय निर्णायकद्वय टीकाप्रसाद लिम्बू र बब्लु शिवाकोटीले प्रतियोगितामा निर्णायकको भूमिका निर्वाह गरेका थिए ।
प्रतिक्रिया दिनुहोस !
