वन क्षेत्रमा उत्खनन कार्यमा संलग्न ट्याक्टरसहित तीनजना नियन्त्रणमा
वैशाख १८, २०८२ बिहीबार १५:०:५६
धनुषा : डिभिजन वन कार्यालय धनुषाले वन क्षेत्रबाट उत्खनन कार्यमा संलग्न तीन जनालाई नियन्त्रणमा लिएको छ । गएराति धनुषाको मिथिला नगरपालिका–५ स्थित औरहीबाबा सामुदायिक वन क्षेत्रबाट तीनवटा ट्याक्टरसहित तीन जनालाई नियन्त्रणमा लिएको डिभिजन वन कार्यालय धनुषाका प्रमुख विनोद सिंहले जानकारी दिए ।
उनका अनुसार बुधबार राति सव डिभिजन वन कार्यालय पुष्पवलपुर र जिल्लाबाट खटिएको संयुक्त टोलीले वन क्षेत्रमा अवैध उत्खनन गरिरहेको अवस्थामा ट्याक्टरसहित उत्खनन कार्यमा संलग्न व्यक्तिहरूलाई पक्राउ गरेको हो ।
ज१त ६३७७, ज१त ४८५६ र मधेस प्रदेश ०२–००१ त–२८७७ नम्बरका ट्याक्टर मिथिला नगरपालिका–५, विश्रामपुरका सामैल अछामी, समिर भुजेल र सुन्दरकुमार महरालाई पनि नियन्त्रणमा लिएको प्रमुख सिंहले बताए ।
उनले अवैध उत्खनन आरोपमा पक्राउ परेका व्यक्ति तथा सवारीसाधनमाथि आवश्यक थप अनुसन्धान गरी वन ऐनअनुसार कारबाही प्रक्रिया अगाडि बढाउने जनाए ।
प्रतिक्रिया दिनुहोस !
