काठमाडौं : घिउ हाम्रो स्वास्थ्यको लागि धेरै स्वास्थ्यकर हुन्छ। घिउमा धेरै प्रकारका भिटामिन र खनिज हुन्छन्। जुन हाम्रो शरीरको लागि धेरै आवश्यक हुन्छन्।
हामी प्रायः घिउलाई दाल, रोटी, खिचडी वा भातमा हालेर खान्छौँ वा यसबाट बनेका परिकार खान्छौँ। तर के तपाईंलाई थाहा छ गल्तिले पनि केही चीजहरूसँग घिउ खानु हुँदैन। यसले तपाईंलाई फाइदा भन्दा बढी हानि पुर्याउन सक्छ। त्यसोभए जानौँ कुन–कुन चीजहरूसँग घिउ खानु हुँदैन।
मह
घिउ र मह दुवै स्वास्थ्यको लागि धेरै राम्रो मानिन्छ। तर हाम्रो आयुर्वेदमा दुवैलाई सँगै लिन कडा निषेध गरिएको छ। यी दुवैलाई एकसाथ सेवन गर्नाले शरीरमा विषाक्त पदार्थहरू उत्पादन हुन्छन्। जसले हाम्रो पाचन प्रक्रियालाई असर गर्छ। यस्तो अवस्थामा दुवैलाई आफ्नो आहारमा समावेश गर्नुहोस् तर फरक–फरक समयमा।
चिया वा कफी
चिया वा कफीमा घिउ मिसाएर कहिल्यै पनि पिउनु हुँदैन। यसले हाम्रो पाचन प्रक्रियालाई असर गर्छ। यस कारणले गर्दा एसिडिटी वा पेट फुल्ने समस्या उत्पन्न हुन सक्छ।
माछा
हाम्रो आयुर्वेदमा घिउ र माछा सँगै खानु गलत मानिन्छ। आयुर्वेदमा घिउलाई तातो र माछालाई चिसो मानिन्छ। दुवैलाई सँगै खाँदा पाचन र छालाको समस्या हुन सक्छ।
दही
घिउ र दही दुवै दूधबाट बन्छन् तर दुवै सँगै खानु हुँदैन। दुवै एकअर्काको पूर्ण विपरीत छन्। घिउलाई तातो र तेलयुक्त मानिन्छ भने दहीलाई चिसो र भारी मानिन्छ। दुवै सँगै खाँदा पाचन समस्या हुन सक्छ र मेटाबोलिज्म सुस्त हुन सक्छ।
मुला
मूला र घिउको मिश्रणले पाचन समस्या निम्त्याउन सक्छ। मूला मसालेदार र तातो हुन्छ। त्यसैले यसलाई घिउसँग सेवन गर्दा पेटमा ग्यास वा पेट फुल्ने समस्या हुन सक्छ।
प्रतिक्रिया दिनुहोस !
