डोटी : डोटीको बडीकेदार गाउँपालिका-३ जैसीबाजमा बिजुलीको पोल नजिक ग्राउन्डमा चरिरहेको अवस्थामा एक्कासि करेन्ट प्रवाह हुँदा सातवटा बाख्रा मरेका छन्।
गाउँ नजिकैको जङ्गलमा बाख्रा चरिरहेको अवस्थामा एक्कासि जमिनमा करेन्ट प्रवाह भई स्थानीय भीम बहादुर साउद र भगिराम साउदका सातवटा बाख्राको मरेका हुन्।
वर्षाको समयमा बिद्युत् चुहावट र करेन्ट प्रवाह अवस्थाको बारेमा विस्तृत रूपमा चेकजाँच गर्न आवश्यक रहेको बडीकेदार गाउँपालिकाका अध्यक्ष भैरव बहादुर साउदले बताए। उनले भने ‘केही समयअघि वडा नम्बर ४ मान्नाकापडीमा गोरुको मरेको थियो। आज बाख्रा मरेका छन् भोलिका दिनमा मानवीय क्षति नहोस् भन्ने हेतुले करेन्ट प्रवाह र चुहावटको अवस्थाको परीक्षण गर्न आवश्यक छ।’
यसमा बिजुली बिस्तार तथा निर्माण कम्पनी र विद्युत् कार्यालयले समयमै विशेष ध्यान दिन आवश्यक रहको समेत बताए। केही महिनाअघि बडीकेदार गाउँपालिका-४ मा पनि पोल नजिक एक गोरुलाई करेन्ट लागेर मृत्यु भएको थियो।
प्रतिक्रिया दिनुहोस !
