भक्तपुर : भक्तपुरमा बिनादर्ता नै पसल सञ्चालन रहेका पाइएको छ । भक्तपुरको कमलविनायक पोखरी परिसरमा १२ फास्टफुड, लज र रेस्टुरेन्टको अनुगमनका क्रममा अधिकांश पसल बिनादर्ता सञ्चालन गरेको पाइएको भक्तपुर नगरपालिका अनुगमन समितिका संयोजक राजकृष्ण गोराले बताए ।
चिनो फास्टफुड एन्ड लज र एप्पल फास्टफुड, शैलुङ च्याङबा, आई हब क्याफे एन्ड रेस्ट्रो, टाइम्स क्याफे र अरेन्ज फास्टफुड र हट एन्ड कोल्ड कफी बिना दर्ता, सञ्चालन भइरहेको गोरा बताए । ‘त्यस्तै ए वान मःम एन्ड फास्टफुड पसल बिनादर्ता सञ्चालन भएकोमा घरबेटीले साधारण रेस्टुराँमा दर्ता गरी २०७५/७६ सालपछि नवीकरण नगरी सञ्चालन गरेको छ’, उनले भने ।
त्यस्तै, एलएन्ड एस भिडियो गेम एन्ड ज्याकपट २०६९/७० पछिदेखि नवीकरण नगरेको र वडा नं ९ मा दर्ता गरी वडा नं १० मा सञ्चालन भएकोले पसल नवीकरण र ठाउँ सारी गर्न निर्देशन दिई चिया पसलसमेत भएकोले चिया पसल पनि दर्ता गर्न निर्देशन दिइएको उनले बताए । स्वादिष्ट मःमः पसल २०७४ सालदेखि बिनादर्ता सञ्चालन गरेकाले तीन दिनभित्र दर्ता गरी नगरपालिकामा उपस्थित हुन र मूल्यसूची राख्न, सरसफाइमा ध्यान दिन समितिले निर्देशन दियो ।
विगत १५ वर्ष अगाडिदेखि बिनादर्ता सञ्चालन गरिराखेकाले कुम कुम ब्युटिपार्लर तीन दिनभित्र दर्ता गरी नगरपालिका कार्यालयमा उपस्थित हुन पनि निर्देशन दिइएको थियो ।
अनुगमनमा एस के टी सपमा दर्ता प्रमाणपत्र पसलमा नभएकोले तीन दिनभित्र दर्ता प्रमाणपत्र लिई नगरपालिकामा उपस्थित हुन र म्याद नाघेको सामानहरू पेप्सी ९, मिरिन्डा ४, स्लाइस १ र ड्यु १ जफत गरी नष्ट गरिएको छ ।
प्रतिक्रिया दिनुहोस !
