चितवन : कर्फ्यु र निषेधाज्ञा हटेपछि जनजीवन सामान्य हुँदै गएको छ। जिल्ला सुरक्षा समितिले कर्फ्यु हटाएपछि जनजीवन सहज बन्दै गएको हो । समितिले भाद्र २६ गतेदेखि कर्फ्यू तथा निषेधाज्ञा जारी गरेको थियो ।
शुक्रबारदेखि अवस्था सामान्य बन्दैपछि शनिबार बिहान ७ बजेदेखि लागू हुनेगरी हटाइएको चितवनका प्रमुख जिल्ला अधिकारी गणेश अर्यालले बताए । प्रजिअ अर्यालले जिल्लाको शान्ति सुरक्षामा सहयोग गर्न पनि सरोकारवालासँग अनुरोध गरेका छन् ।
आन्दोलनको क्रममा चितवनका अधिकांस सरकारी कार्यालय,जनप्रतिनिधिका निजि निवासमा क्षति पुगेको छ । कार्यालय सरसफाइको सरसफाइ गराउन निर्देशन दिइएको छ । जेन-जी प्रदर्शन सुरू भएपछि सरकारी कार्यालय,सार्वजनिक सम्पत्ति,व्यवसायिक प्रतिष्ठान,व्यक्तिका घर तथा पार्टी कार्यालय र स्थानीय निकायका कार्यालयहरूमा आगजनी,तोडफोड र लुटपाट भएको थियो ।
प्रतिक्रिया दिनुहोस !
