१८ जना घाइते
डोटीमा ईभी हाइस दुर्घटना : एक जनाको मृत्यु, ८ जना गम्भीर
असोज २५, २०८२ शनिबार ९:२९:३९
डोटी : डोटीमा ईभी हाइस दुर्घटना भएको छ । जोरायल गाउँपालिका - १ गोल्डेन स्थित भिमदत्त राजमार्गमा आज बिहान करिब ५:३५ बजेको समयमा दुर्घटना भएको जिल्ला प्रहरी कार्यालयले जानकारी दिएको छ ।
अछामबाट धनगढी तर्फ जाँदैगरेको सु.प.प्र. ०१ ००१ ख ३९५६ नम्बरको ईभि हाइस अनियन्त्रित भई सडकबाट करिब १०० मिटर तल खस्दा एक जनाको मृत्यु भएको र आठ जना गम्भीर घाइते भएका छन्। दुर्घटनामा अन्य १० जना घाइते भएका र अवस्था मध्यम रहेको प्रहरीले जानकारी दिएको छ ।
अछाम जिल्ला मङ्गलसेन नगरपालिका-९ की २२ वर्षीया हरिया परियारको घटनास्थलमै मृत्यु भएको हो । घाइतेहरूको उद्धार गरी उपचारको लागि कैलाली अत्तरिया स्थित पद्मा अस्पतालमा पठाइएको छ ।
प्रतिक्रिया दिनुहोस !
