राहदानी अभावबारे प्रधानमन्त्रीको चासो, परराष्ट्रसचिव र महानिर्देशकसँग लिइन् जानकारी
कात्तिक १८, २०८२ मंगलबार २०:१९:२३
काठमाडौं : प्रधानमन्त्री सुशीला कार्कीले राहदानी वितरणको अवस्थाबारे परराष्ट्र मन्त्रालय र राहदानी विभागका अधिकारीहरूसँग जानकारी लिएकी छन्।
मन्त्रालय र विभागका अधिकारीहरूलाई मंगलबार सिंहदरबारस्थित प्रधानमन्त्री तथा मन्त्रिपरिषद् कार्यालयमा बोलाएर राहदानी वितरणका विषयमा जानकारी लिएको प्रधानमन्त्री सचिवालयले जानकारी दिएको छ।
प्रधानमन्त्री कार्कीले परराष्ट्र मन्त्रालयका सचिव अमृतबहादुर राई, राहदानी विभागका महानिर्देशक तीर्थराज अर्याललगायत अधिकारीलाई राहदानीमा कुनै समस्या नहुने गरी काम गर्न निर्देशन पनि दिए। राहदानी अभाव हुने अवस्था आउन नदिन तत्काल विभिन्न वैकल्पिक योजनासहित अघि बढ्न निर्देशन दिएको सचिवालयको भनाइ छ।
प्रतिक्रिया दिनुहोस !
४
