झापा : झापाको बुद्धशान्तिमा मोटरसाइकल दुर्घटनामा परी घाइते भएका चालकको मृत्यु भएको छ । बुद्धशान्ति गाउँपालिका- ४ निवासी २६ वर्षीय अभिषेक नेवारको मृत्यु भएको जिल्ला प्रहरी कार्यालय झापाले जनाएको छ ।
प्रहरीका अनुसार कार्तिक २९ गते राति साढे ९ बजेको समयमा बुद्धशान्ति-४ मंगलबारेस्थित भित्रि सडकखण्डमा भञ्जयाङबाट मङ्गलबारेतर्फ जाँदै गरेको मे १० प ११०४ नम्बरको मोटरसाइकल आफैँ अनियन्त्रित भई दुर्घटना भएको थियो । दुर्घटनामा परी घाइते मोटरसाइकल चालक नेवारलाई उपचारका लागि बीएण्डसी अस्पताल बिर्तामोडमा लगिएको थियो । कार्तिक ३० गते राति ९ बजेको समयमा घाइते भएका उनलाई आफन्तले घर लिई गएकोमा आज बिहान साढे ६ बजे उनको घरमै मृत्यु भएको हो । घटनाको बारेमा इलाका प्रहरी कार्यालय धुलाबारीले अनुसन्धान गरिरहेको छ ।
प्रतिक्रिया दिनुहोस !
