प्रतिनिधिसभा सदस्य निर्वाचन
सुनसरी–१ बाट हर्क साम्पाङको उम्मेदवारी दर्ता
माघ ६, २०८२ मंगलबार १२:४३:१४
सुनसरी : आगामी फागुन २१ गते हुने प्रतिनिधि सभा सदस्य निर्वाचनका लागि सुनसरी क्षेत्र नम्बर–१ बाट धरान उपमहानगरपालिकाका पूर्वमेयर हर्कराज राई (हर्क साम्पाङ) ले उम्मेदवारी दर्ता गराएका छन् । उनले श्रम संस्कृति पार्टीको तर्फबाट उम्मेदवारी दर्ता गराएका हुन् ।
मेयर पदबाट राजीनामा दिएपछि साम्पाङले संसदीय राजनीतिमा औपचारिक प्रवेश गर्दै प्रतिनिधि सभा सदस्यका लागि उम्मेदवारी दर्ता गराएका छन् । स्थानीय तहमा श्रम,पारदर्शिता र जनउत्तरदायी शासनका पक्षमा चर्चित साम्पाङको उम्मेदवारीपछि सुनसरी–१ को चुनावी प्रतिस्पर्धा थप चासोको विषय बनेको छ ।
साम्पाङसँगै सुनसरी–१ बाट अन्य उम्मेदवारहरूले पनि मनोनयन दर्ता गराएका छन् । नेपाल मजदुर किसान पार्टीका महेश श्रेष्ठ, देउमान लिम्बू र राजेन्द्र गुरुङले समेत सोही क्षेत्रबाट उम्मेदवारी दिएका छन् । उम्मेदवारहरूको संख्या बढेसँगै यस क्षेत्रमा बहुपक्षीय प्रतिस्पर्धा हुने संकेत देखिएको छ ।
प्रतिक्रिया दिनुहोस !
