सी जिनपिङले ट्रम्पलाई भने - अमेरिकाले ताइवानलाई हतियार उपलब्ध गराउन विवेक देखाउनुपर्छ
माघ २२, २०८२ बिहीबार १२:१०:२
काठमाडौं : चिनियाँ राष्ट्रपति सी जिनपिङले अमेरिकी राष्ट्रपति डोनाल्ड ट्रम्पसँग टेलिफोन वार्ता गरेका छन्। वार्ताका क्रममा सीले ताइवानलाई चीन–अमेरिका सम्बन्धको 'सबैभन्दा महत्त्वपूर्ण र संवेदनशील मुद्दा' का रूपमा उल्लेख गरेका छन्।
चिनियाँ सरकारी सञ्चारमाध्यमका अनुसार राष्ट्रपति सीले ताइवानलाई हतियार उपलब्ध गराउने विषयमा अमेरिका ‘सावधानी’ अपनाउनुपर्ने स्पष्ट सन्देश दिएका छन्। उनले यस कदमले क्षेत्रीय स्थिरता र दुई देशबीचको सम्बन्धमा नकारात्मक असर पार्न सक्ने चेतावनीसमेत दिएका थिए।
सी जिनपिङले चीनले अमेरिकासँगको सम्बन्धलाई ‘ठूलो महत्त्व’ दिने उल्लेख गर्दै आपसी संवाद र सहकार्यका माध्यमबाट विद्यमान मतभेद समाधान गर्ने उपाय खोजिनुपर्ने धारणा राखेका छन्। उनले दुवै पक्षले परस्पर सम्मान र समझदारीका आधारमा सम्बन्ध अघि बढाउनुपर्नेमा जोड दिएका थिए।
प्रतिक्रिया दिनुहोस !
