मुम्बई : आइसीसी टी-२० विश्वकप २०२६ को पहिलो खेलमा नेपालले पावरप्लेमा इङ्ल्यान्डविरुद्ध ४७ रन बनाएको छ।
मुम्बईको वाङ्खेडे स्टेडियममा टस जितेर पहिले ब्याटिङ गरेको इङ्ल्यान्डले दिएको १८५ रनको विजयी लक्ष्य पछ्याएको नेपालले पावरप्लेमा २ विकेट गुमाउँदै ४७ रन बनाएको हो।
नेपालको पहिलो विकेटको रुपमा ओपनर आसिफ शेखको विकेट गयो। उनले ९ बलमा १ चौकासहित ७ रन बनाउँदै क्याच आउट भए। उनले पहिलो विकेटका लागि कुशल भुर्तेलसँग ३७ रनको साझेदारी गरे।
नेपालका आक्रमक ओपनर कुशल भुर्तेल २९ रनमा कट एण्ड बोल्ड भए। उनले १७ बलमा ४ चौका र १ छक्का प्रहार गरे। ओपनर रोहित पौडेल र दीपेन्द्र सिंह ऐरी क्रमशः ३ र ४ रनमा अविजित खेलिरहेका छन्। इङ्ल्यान्डका लागि विल ज्याक्स र लियम डाउसनले १-१ विकेट लिए।
प्रतिक्रिया दिनुहोस !
