रोल्पा : विगतमा चुनाव बहिष्कार गर्दै आएका नेकपा माओवादीका महासचिव नेत्रबिक्रम चन्द 'विप्लव' ले रोल्पाबाट मतदान गरेका छन् । यसपटकको चुनावमा उनको पार्टीले भाग लिएपछि मतदान गरेका हुन् ।
विप्लवले परिवर्तन गाउँपालिका-३ थुनिकोट 'क' केन्द्रमा मतदान गरेका हुन् । मतदान गर्न उनी हिजै जन्म गाउँ ईरिबाङ पुगेका थिए । पछिल्लो समय कपिलवस्तु बस्दै आएका उनी चुनावी प्रचारको समयमा समेत रोल्पा आएका थिए । उनले रोल्पाबाटै चुनाव लड्न चाहेका पनि थिए । पार्टीले नेतृत्व अहिलेले चुनावमा भाग नलिने नीति लिएपछि उनि चुनावमा उम्मेदवार नबनेको बताइएको छ । उनको पार्टीबाट पोलिटब्यूरो सदस्य चुडामणी वली 'आदर्श' चुनावी मैदानमा छन् ।
माओवादीबाट विभाजन भएदेखि चुनाव बहिस्कार गर्दै आएका विप्लवले रोल्पाबाटै मतदान गर्नुलाई अर्थपूर्ण रुपमा हेरिएको छ । उनले चुनाव बहिस्कार गर्दा रोल्पामा प्रायः सुरक्षा चुनौती हुने गरेको थियो । चुनाव बहिस्कारका बेला ठाउँ ठाउँमा बिष्फोट समेत हुने गरेका थिए । यसपाली भने उनै विप्लवले आफ्नै गृह जिल्लाबाट मतदान गरेका छन् । जनताबाट पहिलो पटक परीक्षणमा विप्लव उत्रिएका छन् ।
सशस्त्र युद्धताका सँगसँगै रहेका सहयोद्धा चुनावी छन्। नेकपाका प्रभावशाली नेता एवं पुर्व अर्थमन्त्री बर्षमान पुन 'अनन्त' र माओवादीका नेता आदर्श मत परीक्षणमा छन् ।
प्रतिक्रिया दिनुहोस !
