तनहुँ–१ मा रास्वपाका स्वर्णिम वाग्ले २० हजार ९५५ मतान्तरले अगाडि
फागुन २३, २०८२ शनिबार १३:१:५०
तनहुँ : देशभर जितको लहर आइरहेका बेला राष्ट्रिय स्वतन्त्र पार्टीका उम्मेदवार स्वर्णिम वाग्ले पनि तनहुँ–१ मा भारी मतान्तरसहित पहिलो नम्बरमा रहेका छन् ।
हालसम्मको मत गणना अनुसार घण्टी चिन्हका उम्मेदवार वाग्ले ३६,१८६ मतसहित सबै भन्दा अगाडि छन् । यस्तै उनका निकटतम प्रतिष्पर्धी नेपाली कांग्रेसका गोविन्द भट्टराई १५,२३१ मतसहित दोस्रो स्थानमा छन् । वाग्ले र भट्टराईको मतान्तर २०,९५५ रहेको छ ।
यस्तै नेकपा एमालेकी भगवती न्यौपानेले ५,६५३, नेपाली कम्युनिष्ट पार्टीका विद्यानाथ ढकाल २,३५२, श्रम सँस्कृति पार्टीका काशीराम गुरुङ ९४६, राप्रपाका रामदत्त जोशी ८१२ र उज्यालो नेपाल पार्टीका मञ्जिल रानाले ४८८ मत ल्याएका छन् । यहाँको मत गणना जारी छ । तनहुँ–१ का रास्वपा उम्मेदवार वाग्लेलाई उनको पार्टी सभापतिले ‘भावी सरकारको अर्थमन्त्री’ समेत घोषणा गरिसकेका थिए ।
प्रतिक्रिया दिनुहोस !
