काठमाडौं : इनिशा विक हत्या प्रकरणको छानविन र दोषिलाई कडाभन्दा कडा कारवाहीको माग गर्दै विद्यार्थीहरूले काठमाडौंमा प्रदर्शन गरेका छन् । इनिशा विकलाई न्याय दिनुपर्ने भन्दै पद्मकन्या बहुमुखी क्याम्पसको स्वतन्त्र विद्यार्थी युनियनले काठमाडौंको बागबजारदेखि माइतिघरसम्म विरोध प्रदर्शन गरेका हुन् ।
प्रदर्शनमा सहभागी विद्यार्थीहरूले इनिशा विकलाई न्याय दे,बलात्कारीलाई फाँसी दे, नारीहरूको सुरक्षा गर, घटनाको निष्पक्ष सम्मान गर लगायतका नारा लगाएका थिए । कालोपट्टी बाँधेर प्रदर्शनमा उत्रिएका विद्यार्थीहरूले पीडित परिवारले न्याय नपाएसम्म विरोध प्रदर्शन नरोकिने जनाएका छन् ।
सुर्खेतको वीरेन्द्रनगरस्थित सामुदायिक वनमा विक मृत अवस्थामा भेटिएकी थिइन् । पोस्टमार्टम रिपोर्टमा बलात्कारपछि अत्यधिक रक्तस्रावका कारण उनको मृत्यु भएको देखिएपछि प्रहरीले अनुसन्धान जारी राखेको छ ।
प्रतिक्रिया दिनुहोस !
