पूर्वगृहमन्त्री रमेश लेखकलाई म्याद थपका लागि अदालत उपस्थित गराइयो
चैत १५, २०८२ आइतबार १०:५३:३२
काठमाडौं : शनिबार पक्राउ परेका पूर्वगृहमन्त्री रमेश लेखकलाई म्याद थपका लागि जिल्ला अदालत काठमाडौंमा उपस्थित गराइएको छ। अदातल ल्याउनुअघि लेखकलाई प्रहरीले सरकारी वकिलको कार्यालय लगेको थियो।
जेनजी आन्दोलनका घटनाको अनुसन्धान गर्न गठित जाँचबुझ आयोगको प्रतिवेदन कार्यान्वयन गर्ने क्रममा लेखक र पूर्वप्रधानमन्त्री केपी शर्मा ओलीलाई पक्राउ गरिएको छ। पक्राउ पछि ओली टिचिङ अस्पतालमा छन् भने लेखक प्रहरी हिरासतमा छन्।
म्याद थपका लागि दुवैजनालाई अदालत पेश गर्न लागिएको हो।
जाँचबुझ आयोगले तत्कालीन प्रधानमन्त्री ओली र तत्कालीन गृहमन्त्री लेखकसहित जिम्मेवार पदमा रहेका व्यक्तिहरूलाई दोषी ठहर गर्दै कारवाहीका लागि सिफारिस गरेको छ। आयोगले उनीहरूविरुद्ध फौजदारी अभियोगमा अनुसन्धान गर्न सिफारिस गरेको छ।
सरकारले भदौ २३ र २४ को घटनासम्बन्धी अनुसन्धान गर्न गौरीबहादुर कार्की संयोजकत्वको जाँचबुझ आयोगको प्रतिवेदन तत्काल कार्यान्वयन गर्ने निर्णय गरेको छ।
प्रतिक्रिया दिनुहोस !
