गोरखा : गोरखा नयाँबजारस्थित रोधीघरमा कुटपिटबाट घाइते भएका श्याम भनिने सन्तबहादुर गुरुङको मृत्यु भएको छ । गत बुधबार राति रोधीघरबाट निस्कने क्रममा निर्घात कुटपिटमा परी घाइते भएका गुरुङको गए राति गोरखा अस्पतालमा उपचारका क्रममा मृत्यु भएको प्रहरीले जनाएको छ ।
मुड्की, लात्ती तथा ढुङ्गा प्रयोग गरी घाइते बनाइएक गुरुङलाई उपचारका लागि प्रदेश अस्पताल गोरखा लगिएको थियो । उपचारपछि घर फर्किएका उनी शुक्रबार दिउँसो घरमा बेहोस भएर ढलेका थिए । तत्काल उपचारका लागि गोरखा अस्पताल पुर्याइएका उनको अस्पतालमै मृत्यु भएको मृतक गुरुङकी दिदी सनमाया गुरुङले जानकारी दिइन् ।
घटनाको अनुसन्धान लागि कुटपिटमा संलग्न ३ जनालाई नियन्त्रणमा लिइएको प्रहरी नायव उपरीक्षक राजकुमार श्रेष्ठले जानकरी दिए । गोरखा नगरपालिका–७ रोहटेपानीका बोनस शाक्य, धार्चे–२ का मिङ्मार गुरुङ, धार्चे–१ हुलचुकका सन्तोष गुरुङ र सिरानचोक–२ थालाजुङका होमराज गुरुङलाई नियन्त्रणमा लिइएको डीएसपी श्रेष्ठले बताए ।
प्रतिक्रिया दिनुहोस !
