प्यूठान : नौबहिनी गाउँपालिका–६ लुङमा भिरबाट लडेर युवकको मृत्यु भएको बिषयलाई लिएर आफन्तले सरकारी वलिक कार्यालय अगाडि प्रदर्शन तथा कार्यालय घेराउ गरेका छ्न । दुई दिनदेखि उनीहरुले प्रदर्शन गरिरहेका छन् । गत जेठ ३ गते स्थानीयबीच विवाद हुँदा भागदौडको क्रममा १९ वर्षीय मधु सुनारको ज्यान गएको थियो । हत्या प्रकरणमा मुद्दा चल्नुपर्ने आफन्तको माग छ ।
प्रहरीले हत्या अभियोजन गरे पनि सरकारी वकिल कार्यालयले भवितव्य अन्तर्गत मुद्दा अघि बढाएको स्रोतले जनाएको छ । जिल्ला अदालतले आरोपि ५ जनालाई धरौटीमा छोड्न जेठ २७ गते निर्णय गरेको थियो ।
गत जेठ २ गते साँझ स्थानीय जनज्योति माध्यमिक विद्यालय परिसरमा मधुसहितका युवाहरुले भोज खाएर बसिरहेको बिषयमा स्थानीयबीच बिवाद भएको थियो । बिवादको क्रममा भाग दौड भएको थियो । भोलिपल्ट डुकरुक धारा भिरको खोल्सामा मधु मृत्त अवस्थामा फेला परेका थिए ।
प्रतिक्रिया दिनुहोस !
