जनकपुरः धनुषाको सुगानिकासमा विहीबार बसले किच्दा एक पैदल यात्रुको मृत्यु भएको छ ।
सुगानिकास–६ निवासी चलित्तर मण्डलका छोरा २६ वर्षीय राकेश मण्डललाई ज १ ख ४९० नम्बरको बसले किच्दा घटनास्थलमै मृत्यु भएको इलाका प्रहरी कार्यालय सुगानिकासका सई शम्भुप्रसाद चौधरीले जानकारी दिए ।
गाउँको चोकमा मुरही कचरी पसल चलाएका मण्डललाई पसल अगाडि नै बसले ठक्कर दिएर किचेको प्रहरीले जनाएको छ ।
मण्डलको शव बसको चक्कामा परेर क्षतविक्षत भएको थियो । शवलाई पोष्टमार्टमका लागि जनकपुर अञ्चल अस्पतालमा राखिएको छ । बस र चालक प्रहरी नियन्त्रणमा रहेका छन् ।
प्रतिक्रिया दिनुहोस !
