मन्त्रालय पुगेर सिँचाइमन्त्रीले भने: कर्मचारीमा अनुशासन चाहियो

 मन्त्रालय पुगेर सिँचाइमन्त्रीले भने: कर्मचारीमा अनुशासन चाहियो

काठमाडौँ: नवनियुक्त सिँचाइमन्त्री दीपक गिरीले कर्मचारीतन्त्रमा अनुशासन कायम गर्नु आफ्नो पहिलो प्राथमिकता बताएका छन् ।

सिंहदरबारस्थित सिँचाइ मन्त्रालयमा शुक्रबार पदबहालीपछि उनले आफू मातहतका कर्मचारीलाई सम्बोधन गर्दै भने, ‘अन्य धेरै क्षेत्रजस्तै कर्मचारीमा पनि म अनुशासन देखिरहेको छैन, त्यसैले अब कर्मचारीतन्त्रमा भएको विगतको परम्परालाई अन्त्य गर्नुपर्छ, म आस्थाका आधारमा भन्दा कामका आधारमा मूल्याङ्कन गर्छु ।’

मन्त्री गिरीले आफू सबै तहका कर्मचारीका कुरा सुनेर मात्रै अघि बढ्ने बताउँदै दाङ, बाँके, बर्दिया, सुर्खेत, सिन्धुपाल्चोकलगायत जिल्लाका बाढीपीडितको समस्या समाधान गर्न सबै एकजुट भएर लाग्न कर्मचारीलाई निर्देशन दिए ।

उनले सिँचाइ मन्त्रालयका सचिव गजेन्द्रकुमार ठाकुरले मन्त्रालयस्तरीय समस्या समाधान बैठक यही आइतबार (भदौ १२) बोलाउन गरेको प्रस्ताव स्वीकृत गरे ।

विसं २०१८ मा हेकुली–९ दाङमा जन्मिएका नेपाली कांग्रेसका केन्द्रीय सदस्य गिरी पहिलोपटक मन्त्री बनेका हुन् । विसं २०२९ देखि राजनीतिमा आबद्ध उनी पछिल्लो समयमा दाङ क्षेत्र नं ५ बाट कांग्रेसतर्फबाट सांसद निर्वाचित भएका हुन् ।


प्रतिक्रिया दिनुहोस !

सम्बन्धित खबर

लोकप्रिय

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.