स्वास्थ्य मन्त्री गगन थापा स्वास्थ्य परीक्षण गराउन जनता क्लिनिकमा
काठमाडौँः स्वास्थ्यमन्त्री गगन थापाले शनिबार ‘जनता क्लिनिक’ मा जनतासँगै आफ्नो स्वास्थ्य परीक्षण गराएका छन् ।
आफ्नो संसदीय निर्वाचन क्षेत्रमा स्थापना गरेको कार्यालयले शनिबार आयोजना गरेको क्लिनिकमा उनले स्वास्थ्य परीक्षण गराएका हुन् । मन्त्री थापा काठमाडौँं क्षेत्र नम्बर– ४ वाट संसद निवार्चित भएका हुन् ।
मन्त्री थापाकै अवधारणामा तीन महिनाअघि क्लिनिक सुरु भएको थियो । कार्यालयका प्रमुख रोहित पौडेलले भने, ‘हरेक महिनाको पहिलो शनिबार क्लिनिक सञ्चालन हुने गरेको छ । तर यसपल्ट प्राविधिक कारणले पछि सरेको हो ।’
बूढानिलकण्ठस्थित श्री जयभद्रकाली प्राथमिक विद्यालयमा बिहान १० बजेदेखि दिउँसो २ बजेसम्म सञ्चालन भएको क्लिनिकमा ७६ जना वयस्क र ८७ जना बालबालिकाको स्वास्थ्य परीक्षण गरिएको थियो ।
प्रतिक्रिया दिनुहोस !
