पृथ्वी राजमार्गमा फेरी पहिरो खसेपछि हजारौँ यात्रु अलपत्र
काठमाडौँ: पृथ्वी राजमार्गको तनहुँ आँबुखैरेनी ७ मा फेरी पहिरो खसेपछि हजारौँ यात्रु अलपत्र परेका छन् । सोमबार बिहान ३ बजे पुनः पहिरो खसेपछि पृथ्वीराजमार्ग हुँदै गन्तव्यमा हिँडेका सयौँ सवारीसाधन र हजारौँ यात्रु अलपत्र परेका छन् ।
पहिरोले तनहुँ, पोखरा, बाग्लुङ, पर्वत, म्याग्दीलगायत क्षेत्रका लागि छुटेका सवारीसाधन रोकिएका छन् । ट्राफिक प्रहरीका अनुसार पश्चिम नेपालका लागि राजधानीबाट गुडेका सयौँ सवारीसधान मुग्निलमा रोकिदा पूर्वजाने गाडी समेत जाममा फसेका छन् ।
गत बुधबार आँबुखैरेनीमा पहिरो खस्दा हजारौँ यात्रु २४ घण्टासम्म बाटोमै रोकिएका थिए । पहिरो हटाउने काम भइरहेको प्रहरीले जनाएको छ । तनहुँ प्रहरीले केही समयमै एकतर्फी बाटो सञ्चालनमा आउने जानकारी दिएको छ ।
प्रतिक्रिया दिनुहोस !
