बारामा हात्तीको आक्रमणबाट एक युवकको मृत्यु
वीरगन्जः बाराको गढिमाई नगरपालिका वडा नम्बर १६ टागियावस्ती नजिकैको जंगलमा मङगलबार बिहान हात्तीको आक्रमणबाट एक युवकको मृत्यु भएको छ ।
गाँउ नजिकैको जंगलमा रहेको कुवाबाट पानी लिएर घर तर्फ फर्कने क्रममा स्थानीय कैलाश योञ्जनलाई हात्तीले कुल्चेर मारेको हो ।
१२ कक्षामा अध्यनरत कैलासलाई हात्तीले मङगलबार बिहान सात बजे कुल्चेर मारेको प्रहरीले जनाएको छ । मृतक युवकको लाश पोस्टमार्टमका लागि नारायणी उप क्षेत्रिय अस्पताल वीरगन्जमा पठाइएको ईलाका प्रहरी कार्यलय सिमराले जनाएको छ ।
विगत केहि दिन देखि टाँगीयावस्ती क्षेत्रमा जंगली हात्तिको बथान उत्पात मच्चाउदै आएको स्थानीयले बताएका छन् ।
पर्सा वन्य जन्तु आरक्षको जंगलबाट गाँउमा पसेर हात्तीले टागियाँबस्तिमा भौतिक तथा मानबिय क्षति पुरयाउदै आएकोले पिडितहरुले सरकारसंग क्षेतिपुर्तिको माग गरेका छन् ।
जंगली हात्तिको आक्रमणबाट टागियाबस्तिमा ६ जनाले ज्यान गुमाएकोमा अहिले सम्म ३ जना मृतकका परिवारले मात्र सरकारबाट क्षतिपूर्ति पाएको स्थानीय विदुर खडकाले बताए ।
प्रतिक्रिया दिनुहोस !
