करिश्मालाई हरितारा
काठमाडौंः नायिका करिश्मा मानन्धरलाई २०७१ सालको हरितारा चलचित्र पुरस्कार प्रदान गरिने भएको छ । हरितारा पुरस्कारको मंगलबार बसेको बैठकले उक्त निर्णय गरेको हो ।
बैठकले २०७२ सालको पुरस्कार सञ्चारकर्मी शान्तिप्रिय एवं डिजाइनर सुन्दर श्रेष्ठलाई दिने निर्णय गरेको छ । नायिका मानन्धर अढाई दशकदेखि नेपाली चलचित्र क्षेत्रमा छिन् ।
उनले यस क्षेत्रमा पुर्याएकाे योगदानको कदर गर्दै उक्त पुरस्कार प्रदान गर्ने निर्णय गरेको पुरस्कारका सदस्यसचिव मोहन निरौलाद्वारा जारी विज्ञप्तिमा उल्लेख छ ।
त्यस्तै दुई दशकदेखि चलचित्र पत्रकारिता गरेबापत शान्तिप्रिय र २०४३ सालमा चलचित्र ‘सन्तान’को नेपालमै पहिलोपटक प्रचार सामग्री डिजाइन गर्ने श्रेष्ठलाई पुरस्कारका लागि छनोट गरिएको हो ।
उनले हालसम्म १२ सयभन्दा बढी चलचित्रका प्रचारसामग्री बनाइसकेका छन् । पुरस्कारको राशि जनही २५ हजार रुपैयाँ रहेको छ । समाजसेवी स्वर्गीय विजया राणाले २०५२ सालमा पुरस्कार स्थापना गरेका हुन् ।
प्रतिक्रिया दिनुहोस !
