शिक्षाध्यक्ष डा. त्रिपाठीको कारमा आगजनी
ललितपुरः त्रिभुवन विश्वविद्यालयका शिक्षाध्यक्ष डा. सुधा त्रिपाठीको गाडीमा आगजानी गरिएको छ।
सोमबार बिहान ललितपुरको युएन पार्क अगाडि बा २ च ५६३० नम्बरको गाडीमा दुर्इ जना युवाको समूहले पेट्रोल छर्केर आगजनी गरेकाे प्रहरीले जनाएको छ। आगजनीका कारण कार पूर्णरुपमा जलेको छ।
स्ववियु निर्वाचन हुने/नहुने अनिश्चितता बढिरहेका बेला शिक्षाध्यक्ष त्रिपाठीको गाडीमा अागजनी भएको हो। त्रिभुवन विश्वविद्यालयले फागुन १४ गते चुनाव गर्ने कार्यतालिका सार्वजनिक गरेको छ। तर, कार्यतालिकाअनुरुप फागुन १ गते मतदाता नामावली प्रकाशित हुनुपर्ने भएपनि त्रिुभवन विश्वविद्यालयले सार्वजनिक गर्न सकेको छैन।
प्रतिक्रिया दिनुहोस !
