ट्रकले मोटरसाइकललार्इ ठक्कर दिँदा दुर्इको मृत्यु
इटहरी: सुनसरीमा ट्रकले मोटरसाइकललार्इ ठक्कर दिँदा दुर्इजनाको मृत्यु भएको छ। ठक्करबाट मोटरसाइकलमा सवार धरान निवासी २५ वर्षीय दिवस राई र २३ वर्षीया इरो बान्तवा राईको मृत्यु प्रहरीले जनाएको छ।
धरानबाट इटहरीतर्फ आउँदै गरेको को १ ख ५५८ नम्बरको ट्रकले विपरीत दिशातिर जाँदै गरेको बा ५० प ३५०१ नम्बरको मोटरसाइकललाई तरहरा उत्तर पानीपियामा ठक्कर दिएको पूर्व क्षेत्रीय ट्राफिक प्रहरी कार्यालय इटहरीले जनाएको छ।
दुर्घटनामा सोही मोटरसाइकलमा सवार राजु मगर भने गम्भीर घाइते भएका छन् । उनको बिपी कोइराला स्वास्थ्य विज्ञान प्रतिष्ठानमा उपचार भइरहेको छ ।ट्रक र चालकलाई भने प्रहरीले अाफ्नो नियन्त्रणमा लिएको छ। घटनाबारे थप अनुसन्धान भइरहेको प्रहरीले जनाएको छ।
प्रतिक्रिया दिनुहोस !
