सुनिलपछि 'चायवाले चन्दु' र 'नानी'ले पनि छाेडे कपिल शर्माको शो
मुम्बर्इ: भारतीय चर्चित कमेडियन टिभी रियालीटी शो 'कमेडी नाइट्स विथ कपिल'बाट 'चायवाले चन्दु' र 'नानी'ले छाडेका छन्। यसअघि कमेडियन कपिल शर्मासँगको विवादका कारण सुनिल ग्रोवरले शो छाडेका थिए। त्यसलगत्तै चन्दन प्रभाकर र अली अजगरले पनि शो छाड्ने निर्णय गरेको भारतीय सञ्चारमाध्यमहरुले उल्लेख गरेका छन्।
उनीहरुले शो छाडेपछि कपिल शर्माले एक्लैले किकु शारदा र नवजोतसिंहसँग सुटिङ गर्नु परेको थियो। सुनिलले शोमा नफर्किने निर्णय गरेपछि कपिल शर्मालाई कमेडी शो चलाउन निक्कै मेहनत गर्नु पर्ने बताइएको छ।
खास विवाद के भएको थियो?
अष्ट्रेलियाको मेलवर्नदेखि मुम्बर्इसम्मको फ्लाइटमा कपिल शर्माले सुनिल ग्रोबरसँग बद्मासी गर्दै शोबाट हटाउने धम्की दिएका थिए। यसपछि उनले फेसबुकमा पनि यस्तै स्टाटस लेखिदिए। दर्शकको अत्याधिक चासोपछि उसले ट्वीटरमार्फत सुनिलसँग माफी मागे। तर, सुनिलले कपिललाई सम्मान गर्न सर्वसाधारणलाई सुझाव दिए।
सोनी च्यानलसँग सुनिलले के भने ?
सुनिलले कपिलको शोमा रिङ्कु भावी र डाक्टर मशहुर गुलाटीको भूमिका निभाउँदै आएका छन्। उनले कपिलसँग काम नगर्ने भन्दै सोनी च्यानलसँग सम्झाैता गरिसकेका छन्। उनले भनेका छन्,'अब कपिलसँग काम गर्न असमर्थ छु। म छुट्टै कार्यक्रम गर्न तयार छु।'
पहिला पनि कपिलसँग सुनिलको खटपट
कपिलसँग सुनिलको पहिलो पटक विवाद वा खटपट भएको भने होइन। यसअघि पनि सुनिल कपिलसँग कलर च्यानलमा कमेडी नाइट्स विद कपिलमा गुत्थीको भूमिका निभाएका थिए। यसपछि उसले त्यो शो छाडेर स्टारमा नयाँ शो मेड इन इन्डिया लिएर आएका थिए। तर, त्यो शो नचेलेपछि उनी फेरि कपिलकै शोमा सामेल भए।
प्रतिक्रिया दिनुहोस !
