चौरपाटी गाउँपालिकामा १ मतले एमाले विजयी
मंगलसेन : अछामको चौरपाटी गाउँपालिकामा प्रमुख पदमा १ मतले एमाले विजय भएको छ। उपप्रमुखमा भने नेपाली कांग्रेसका उम्मेदवार ७२ मतले विजय भएका छन्। एमालेका प्रमुख पदका उम्मेदवार हर्कबहादुर साउदले ३ हजार १ सय ३८ मत प्राप्त गर्नुभएको छ भने नेपाली कांग्रेसका भीमबहादुर साउदले ३ हजार १ सय ३७ मत प्राप्त गर्नु भएको छ।
उप प्रमुखमा नेपाली कांग्रेसकी माया कुँवरले ३ हजार १ सय ७३ र एमालेकी उम्मेदवार सुशीला बोगटीले ३ हजार १ सय १ मत प्राप्त गर्नु भएको छ।
पूर्व सभासद् समते रहनु भएका एमाले जिल्ला अध्यक्ष शेरबहादुर कुँवरको वडा नम्बर ४ पायलमा धाँदलीपूर्ण ढंगले मतदान भएको भन्दै कांग्रेस र माओवादीले मतदान प्रक्रिया नै रद्द गर्न माग गरेर लिखित निवेदन दिएका थिए । यद्यपी निर्वाचन आयोगले मत गणना गर्न आदेश दिएपछि शनिबारबाट मात्र मतगणना सुरु भएको थियो।
६ वटा वडा रहेको चौरपाटीमा एमाले र कांग्रेसले ३–३ वडा जितेका छन्। एक मतको मात्र अन्तर भएपछि पुनः मतगणना गर्नुपर्ने माग गरेपछि निर्वाचन अधिकृतले पुन मतगणना गर्न नसकिने भन्दै अदालत जान भनेको थियो ।
प्रतिक्रिया दिनुहोस !
