सुडान : सुडानका राष्ट्रपति ओमार अल बसिरले आइतबारदेखि खाडीका तीन ओटा देशको भ्रमण सुरु गर्नुहुने भएको छ ।
उहाँले कुवेत, संयुक्त अरब इमिरेट्स र साउदी अरब गरी तीन देशको भ्रमण आइतबारबाट सुरु गर्नुहुने समाचार सुडानका सूचना मन्त्रीले दिनुभयो ।
राष्ट्रपति बसिरले भ्रमणको सुरुवात आइतबार कुवेतबाट गर्नुहुने छ । उहाँ यसलगत्तै युएइ पुग्नुहुने भएको पनि मन्त्रीले जानकारी दिनुभयो ।
ती दुवै देशमा हुने बैठक तथा भेटघाटमा उहाँले खाडी मुलुकहरुमा देखिएको कूटनीतिक सङ्कटका बारेमा पनि छलफल गर्नुहुने भएको छ ।
अरबको समस्याको समाधान खोज्ने प्रयत्न उहाँले गर्नुहुने छ, सुडानका सूचनामन्त्री अहमद बिलाल ओसमानको वक्तव्यमा भनिएको छ ।
सुडानको सरकारी सामाचार संस्था सुनाले जनाएअनुसार राष्ट्रपति अल बसिर सोमबार युएइको भ्रमणमा जानुहुने छ । उहाँको यस अरबको भ्रमणको महत्वपूर्ण भागको रुपमा युएइको भ्रमणलाई लिइएको छ ।
युएइको भ्रमणका क्रममा उहाँले त्यहाँका वरिष्ठ नेताहरुसँग द्विपक्षीय हित र साझा चासोका विषयमा छलफल गर्नुहुने भएको छ ।
समाचार संस्थाले लेखेको छ ‘राष्ट्रपति बसिर तीन दिने भ्रमणका लागि मङ्गलबार साउदी अरब पुग्नुहुने छ, साउदी अरबमा उहाँले राजा शलमान विन अब्दुलाजिज र राजकुमार मोहम्मद विन सलमानलाई भेट्नु हुने कार्यक्रम छ ।रासस/सिन्ह्वा
प्रतिक्रिया दिनुहोस !
