काठमाडौँ: नेकपा माओवादी केन्द्रका नेता रामबहादुर थापा बादल राष्ट्रिय सभामा विजयी भएका छन् । प्रदेश नम्बर ३ बाट खुल्लातर्फका उम्मेदवार बादलले ३३९६ मतसहित राष्ट्रिय सभामा स्थान पक्का गरेका हुन् ।
यसअघि वाम गठबन्धनको तर्फबाट राष्ट्रिय सभामा प्रदेश नम्बर ३ मा खुल्ला सदस्यका लागि तीनजनाको उम्मेवारी परेपछि एमाले उम्मेदवार बेदुराम भुसालको उम्मेदवारी फिर्ता गराएर बादललाई सुरक्षित गरिएको थियो ।
पढ्नुस्: बादललाई राष्ट्रिय सभामा लैजान बेदुराम ‘आउट’
प्रदेश ३ बाट खुलाबाट ३ जनाको कोट रहेको अवस्थामा विवेकशील-साझा पार्टीसहितका साना दलको सहयोगमा कांग्रेसका राधेश्याम अधिकारीसहित चारजनाको उम्मेदवारी परेको थियो । तीनको कोटामा वामबाटै तीनैको उम्मेदवारी परेपछि वामले एमाले नेता भुसालको उम्मेदवारी फिर्ता गराएर बादललाई सुरक्षित गरेका थिए । यस्तोमा एमालेका बलराम बास्कोटा र माओवादी नेता बादल तथा कांग्रेसका राधेश्याम अधिकारकी जित निश्चित थियो ।
बादलले यसअघि चितवन क्षेत्र नम्बर २ बाट चुनाव लड्ने बताइएको थियो । तर एमालेसँगको तालमेलका कारण उनले त्यहाँबाट पछि हट्नुपरेको थियो । त्यसपछि उनलाई वाम गठबन्धनले राष्ट्रिय सभामा लाने त्यतिखेरै तयारी गरेको थियो ।
प्रतिक्रिया दिनुहोस !
