काठमाडौँः सिजनको मध्यान्तरपछि राम्रो फर्मममादेखिएको लिभरपुलले न्यूक्यासल युनाइटेडलाई सजिलै पराजित गरेको छ ।
घरेलु मैदान एनफिल्डमा भएको प्रिमियर लिगको २९ औँ चरणको खेलमा लिभपुललाई जिताउन उत्कृष्ट लयमा रहेका मोहम्मद सालाह र साडियो मानेले एक–एक गोल गरे ।
लिभरपुल २–० ले विजयी भएको खेलको सालाहले ४० औँ मिनेटमा गोल गर्दै अग्रता दिलाउन सफल भए । त्यसपछि खेलको ५५ औँ मिनेटमा रोबर्टो फिरमिन्होको पासमा मानेले गोल गरेपछि लिभरपुलले २–० को जित पक्का गर्यो ।
यो जितपछि लिभरपुल २९ खेलबाट ५० अंकसहित लिगको दोस्रो स्थानमा उक्लिएको छ । पहिलो स्थानमा २८ खेलबाट ७५ अंक जोडेको म्यानचेस्टर सिटी छ । सिटीले आज मध्यराति साविक विजेता चेल्सीसँग प्रतिस्पर्धा गर्दैछ ।
प्रतिक्रिया दिनुहोस !
