भैरहवा : भारतमा अवैध लागुऔषध सहित दुई जना नेपाली युवाहरु पक्राउ परेका छन् । पक्राउ पर्नेहरुमा रुपन्देही बुटवल उपमनपा १५ का दान बहादुर गुरुङ र चन्द्र बहादुर गुरुङ रहेको भारतीय प्रहरीले जनाएको छ ।
रुपन्देहीको सिमावर्ती भारतीय बजार सुनौलीबाट नेपालमा लागुऔषध लैजाने क्रममा उनीहरु पक्राउ गरिएको भारत महाराजगंज जिल्ला सुनौली प्रहरी चौकीका प्रमुख सतिश सिंहले बताए ।
उनीहरुको साथबाट प्रहरीले ८० लाख मुल्य बराबरको ५० ग्राम हिरोइन बरामद भएको उनले जानकारी दिए । पक्राउ परेका युवाहरुलाई भारतीय कानुन अनुसार कारवाही प्रक्रिया अगाडी बढाइएको भारतीय प्रहरीले जनाएको छ ।
प्रतिक्रिया दिनुहोस !
