टिप्परको ठक्करबाट स्कुले बालकको ज्यान गयो

टिप्परको ठक्करबाट स्कुले बालकको ज्यान गयो

 गाईघाटः रौतामाई गाउँपालिका–५ कालिमाटीमा विहीबार दिउँसो टिफरको ठक्करबाट एक स्कुले बालकको ज्यान गएको छ ।

सगरमाथा लोकमार्ग अन्तर्गत गाईघाट–दिक्तेल सडकखण्डस्थित कालिमाटीमा ना.३.ख.८५७४ नम्बरको टिफरको ठक्करबाट स्थानीय तिलक राईका ११ वर्षीय छोरा निगम राईको ज्यान गएको हो । 

कालिका माध्यमिक विद्यालय कालिमाटीमा कक्षा ४ मा अध्ययनरत बालक टिफिनको समयमा खेल्ने क्रममा टिफरले ठक्कर दिएको जिल्ला प्रहरी कार्यालयले जनाएको छ । 

उदयपुर र खोटाङको सिमास्थल फोक्सिनाटरस्थित सुनकोसीबाट डाडाँगाउँतर्फ गिटी लिएर आउँदै गरेको रौता कस्ट्रक्सनको टिप्परले ठक्कर दिएको वडाध्यक्ष पाण्डव राईले जानकारी दिए । 

रोकिराखेको टिफरको पछाडी खेल्दै गरेका राईलाई चालकले बिनासंकेत गाडी पछाडी सारेपछि किचेको वडाध्यक्ष राईले बताए । राईले टिप्पररसँगै विद्यालयको लापरवाहीले पनि घटना भएको संकेत गरे । 

‘यो समय विद्यार्थी शिक्षकको जिम्वेवारी भित्र रहन्छ, तर कसरी बाहिर निस्किए, त्यसको जवाफदेही को हो ? प्रधानाध्यापक विद्यालयमा छैनन् भन्ने सुनेको छु, त्यसैले छानविन गर्छु’, उनले भने । मृतक बालकको टाउकोमा चोट लागेको छ । शव पोष्टमार्टमका लागि जिल्ला अस्पताल बोक्से ल्याउने तयारी भइरहेको छ । 


प्रतिक्रिया दिनुहोस !

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.